२. सङ्ख्यावारो

सुद्धं

१७६. हेतुया चत्तारि, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव, कम्मे छ, विपाके नव, आहारे चत्तारि, इन्द्रिये नव, झाने नव, मग्गे चत्तारि, सम्पयुत्ते छ, विप्पयुत्ते पञ्च, अत्थिया नव, नत्थिया नव, विगते नव, अविगते नव.

(एवं पच्चनीयविभङ्गोपि गणनापि सप्पीतिकदुकसदिसं कातब्बं, यदिपि विमति अत्थि अनुलोमं पस्सित्वा गणेतब्बं.)

सुखसहगतदुकं निट्ठितं.