१. विभङ्गवारो

नहेतुपच्चयो

५३. दस्सनेन पहातब्बहेतुकं धम्मं पटिच्च नदस्सनेन पहातब्बहेतुको धम्मो उप्पज्जति नहेतुपच्चया – विचिकिच्छासहगते खन्धे पटिच्च विचिकिच्छासहगतो मोहो. (१)

नदस्सनेन पहातब्बहेतुकं धम्मं पटिच्च नदस्सनेन पहातब्बहेतुको धम्मो उप्पज्जति नहेतुपच्चया अहेतुकं नदस्सनेन पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… (याव असञ्ञसत्ता) उद्धच्चसहगते खन्धे पटिच्च उद्धच्चसहगतो मोहो. (१)