१-७. पटिच्चवारादि

पच्चयचतुक्कं

२९. अब्याकतं उपादिन्नं धम्मं पटिच्च अब्याकतो उपादिन्नो धम्मो उप्पज्जति हेतुपच्चया. (१) (संखित्तं.)

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

३०. कुसलं अनुपादिन्नं धम्मं पटिच्च कुसलो अनुपादिन्नो धम्मो उप्पज्जति हेतुपच्चया… तीणि.

अकुसलं अनुपादिन्नं धम्मं पटिच्च अकुसलो अनुपादिन्नो धम्मो उप्पज्जति हेतुपच्चया… तीणि.

अब्याकतं अनुपादिन्नं धम्मं पटिच्च अब्याकतो अनुपादिन्नो धम्मो उप्पज्जति हेतुपच्चया. (१)

कुसलं अनुपादिन्नञ्च अब्याकतं अनुपादिन्नञ्च धम्मं पटिच्च अब्याकतो अनुपादिन्नो धम्मो उप्पज्जति हेतुपच्चया. (१)

अकुसलं अनुपादिन्नञ्च अब्याकतं अनुपादिन्नञ्च धम्मं पटिच्च अब्याकतो अनुपादिन्नो धम्मो उप्पज्जति हेतुपच्चया. (१) (संखित्तं.)

३१. हेतुया नव, आरम्मणे तीणि…पे… अविगते नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

हेतु-आरम्मणपच्चया

३२. कुसलो अनुपादिन्नो धम्मो कुसलस्स अनुपादिन्नस्स धम्मस्स हेतुपच्चयेन पच्चयो… तीणि.

अकुसलो अनुपादिन्नो धम्मो अकुसलस्स अनुपादिन्नस्स धम्मस्स हेतुपच्चयेन पच्चयो… तीणि.

अब्याकतो अनुपादिन्नो धम्मो अब्याकतस्स अनुपादिन्नस्स धम्मस्स हेतुपच्चयेन पच्चयो. (१)

३३. कुसलो अनुपादिन्नो धम्मो कुसलस्स अनुपादिन्नस्स धम्मस्स आरम्मणपच्चयेन पच्चयो… तीणि.

अकुसलो अनुपादिन्नो धम्मो अकुसलस्स अनुपादिन्नस्स धम्मस्स आरम्मणपच्चयेन पच्चयो… तीणि.

अब्याकतो अनुपादिन्नो धम्मो अब्याकतस्स अनुपादिन्नस्स धम्मस्स आरम्मणपच्चयेन पच्चयो. अब्याकतो अनुपादिन्नो धम्मो कुसलस्स अनुपादिन्नस्स धम्मस्स आरम्मणपच्चयेन पच्चयो. अब्याकतो अनुपादिन्नो धम्मो अकुसलस्स अनुपादिन्नस्स धम्मस्स आरम्मणपच्चयेन पच्चयो… तीणि (संखित्तं).

३४. हेतुया सत्त, आरम्मणे नव, अधिपतिया दस, अनन्तरे छ…पे… सहजाते नव, निस्सये नव, उपनिस्सये नव…पे… अविगते एकादस (संखित्तं).

कुसलत्तिकमहन्तरदुकं निट्ठितं.

१-६९-७४. कुसलत्तिक-उपादानादिदुकानि

३५. अकुसलं उपादानं धम्मं पटिच्च अकुसलो उपादानो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (उपादानगोच्छकं वित्थारेतब्बं).

कुसलत्तिकउपादानगोच्छकं निट्ठितं.