१-७. पटिच्चवारादि

पच्चयचतुक्कं

१. कुसलं सारम्मणं धम्मं पटिच्च कुसलो सारम्मणो धम्मो उप्पज्जति हेतुपच्चया. (१)

अकुसलं सारम्मणं धम्मं पटिच्च अकुसलो सारम्मणो धम्मो उप्पज्जति हेतुपच्चया. (१)

अब्याकतं सारम्मणं धम्मं पटिच्च अब्याकतो सारम्मणो धम्मो उप्पज्जति हेतुपच्चया. (१) (संखित्तं.)

२. हेतुया तीणि, आरम्मणे तीणि…पे… अविगते तीणि (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

हेतु-आरम्मणपच्चया

३. कुसलो सारम्मणो धम्मो कुसलस्स सारम्मणस्स धम्मस्स हेतुपच्चयेन पच्चयो. (१)

अकुसलो सारम्मणो धम्मो अकुसलस्स सारम्मणस्स धम्मस्स हेतुपच्चयेन पच्चयो. (१)

अब्याकतो सारम्मणो धम्मो अब्याकतस्स सारम्मणस्स धम्मस्स हेतुपच्चयेन पच्चयो. (१)

कुसलो सारम्मणो धम्मो कुसलस्स सारम्मणस्स धम्मस्स आरम्मणपच्चयेन पच्चयो (संखित्तं).

४. हेतुया तीणि, आरम्मणे नव, अधिपतिया सत्त…पे… अविगते तीणि (संखित्तं).

(यथा कुसलत्तिके पञ्हावारं, एवं वित्थारेतब्बं.)

हेतुसहजातपच्चयादि

५. अब्याकतं अनारम्मणं धम्मं पटिच्च अब्याकतो अनारम्मणो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

नहेतुया एकं…पे… (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

६. अब्याकतो अनारम्मणो धम्मो अब्याकतस्स अनारम्मणस्स धम्मस्स सहजातपच्चयेन पच्चयो… अञ्ञमञ्ञपच्चयेन पच्चयो… निस्सयपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो… अत्थिपच्चयेन पच्चयो… अविगतपच्चयेन पच्चयो (सब्बत्थ एकं. संखित्तं.)