१-७. पटिच्चवारादि
पच्चयचतुक्कं
हेतुपच्चयो
७. कुसलं सासवं धम्मं पटिच्च कुसलो सासवो धम्मो उप्पज्जति हेतुपच्चया… तीणि.
अकुसलं सासवं धम्मं पटिच्च अकुसलो सासवो धम्मो उप्पज्जति हेतुपच्चया… तीणि.
अब्याकतं सासवं धम्मं पटिच्च अब्याकतो सासवो धम्मो उप्पज्जति हेतुपच्चया. (१)
कुसलं सासवञ्च अब्याकतं सासवञ्च धम्मं पटिच्च अब्याकतो सासवो धम्मो उप्पज्जति हेतुपच्चया. (१)
अकुसलं सासवञ्च अब्याकतं सासवञ्च धम्मं पटिच्च अब्याकतो सासवो धम्मो उप्पज्जति हेतुपच्चया. (१) (संखित्तं.)
८. हेतुया नव, आरम्मणे तीणि…पे… अविगते नव (संखित्तं).
नहेतुया द्वे, नआरम्मणे पञ्च, नअधिपतिया नव (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).
९. कुसलो सासवो धम्मो कुसलस्स सासवस्स धम्मस्स हेतुपच्चयेन पच्चयो… तीणि.
अकुसलो सासवो धम्मो अकुसलस्स सासवस्स धम्मस्स हेतुपच्चयेन पच्चयो… तीणि.
अब्याकतो सासवो धम्मो अब्याकतस्स सासवस्स धम्मस्स हेतुपच्चयेन पच्चयो. (१) (संखित्तं.)
हेतुया सत्त, आरम्मणे नव…पे… अविगते तेरस (संखित्तं).
(यथा कुसलत्तिके पञ्हावारं, एवं वित्थारेतब्बं.)