१-७. पटिच्चवारादि

पच्चयचतुक्कं

हेतुपच्चयो

३०. कुसलं आसवविप्पयुत्तं अनासवं धम्मं पटिच्च कुसलो आसवविप्पयुत्तो अनासवो धम्मो उप्पज्जति हेतुपच्चया. (१)

अब्याकतं आसवविप्पयुत्तं अनासवं धम्मं पटिच्च अब्याकतो आसवविप्पयुत्तो अनासवो धम्मो उप्पज्जति हेतुपच्चया (संखित्तं).

३१. हेतुया द्वे, आरम्मणे द्वे…पे… अविगते द्वे (संखित्तं).

(सहजातवारम्पि…पे… सम्पयुत्तवारम्पि पटिच्चवारसदिसं.)

हेतुआरम्मणपच्चयादि

३२. कुसलो आसवविप्पयुत्तो अनासवो धम्मो कुसलस्स आसवविप्पयुत्तस्स अनासवस्स धम्मस्स हेतुपच्चयेन पच्चयो. (१)

अब्याकतो आसवविप्पयुत्तो अनासवो धम्मो अब्याकतस्स आसवविप्पयुत्तस्स अनासवस्स धम्मस्स हेतुपच्चयेन पच्चयो. (१)

अब्याकतो आसवविप्पयुत्तो अनासवो धम्मो अब्याकतस्स आसवविप्पयुत्तस्स अनासवस्स धम्मस्स आरम्मणपच्चयेन पच्चयो. (१)

अब्याकतो आसवविप्पयुत्तो अनासवो धम्मो कुसलस्स आसवविप्पयुत्तस्स अनासवस्स धम्मस्स आरम्मणपच्चयेन पच्चयो. (१)

कुसलो आसवविप्पयुत्तो अनासवो धम्मो कुसलस्स आसवविप्पयुत्तस्स अनासवस्स धम्मस्स अधिपतिपच्चयेन पच्चयो. (१)

अब्याकतो आसवविप्पयुत्तो अनासवो धम्मो अब्याकतस्स आसवविप्पयुत्तस्स अनासवस्स धम्मस्स अधिपतिपच्चयेन पच्चयो. (१)

अब्याकतो आसवविप्पयुत्तो अनासवो धम्मो कुसलस्स आसवविप्पयुत्तस्स अनासवस्स धम्मस्स अधिपतिपच्चयेन पच्चयो. (१)

कुसलो आसवविप्पयुत्तो अनासवो धम्मो अब्याकतस्स आसवविप्पयुत्तस्स अनासवस्स धम्मस्स अनन्तरपच्चयेन पच्चयो. (१)

अब्याकतो आसवविप्पयुत्तो अनासवो धम्मो अब्याकतस्स आसवविप्पयुत्तस्स अनासवस्स धम्मस्स अनन्तरपच्चयेन पच्चयो. (१) (संखित्तं.)

३३. हेतुया द्वे, आरम्मणे द्वे, अधिपतिया तीणि, अनन्तरे द्वे, समनन्तरे द्वे, सहजाते द्वे, अञ्ञमञ्ञे द्वे, निस्सये द्वे, उपनिस्सये चत्तारि…पे… अविगते द्वे (संखित्तं).

(यथा कुसलत्तिके पञ्हावारं, एवं वित्थारेतब्बं.)

कुसलत्तिकआसवगोच्छकं निट्ठितं.

१-२०-५४. कुसलत्तिक-सञ्ञोजनादिदुकानि

३४. अकुसलं सञ्ञोजनं धम्मं पटिच्च…पे… अकुसलं गन्थं… ओघं… योगं… नीवरणं….

कुसलं नोपरामासं धम्मं पटिच्च कुसलो नोपरामासो धम्मो उप्पज्जति हेतुपच्चया. (आसवगोच्छकसदिसं.) दिट्ठिं पटिच्च दिट्ठि न उप्पज्जति.

कुसलत्तिके छ गोच्छकं निट्ठितं.