१-७. पटिच्चवारादि

पच्चयचतुक्कं

हेतुपच्चयो

१. अकुसलं आसवं धम्मं पटिच्च अकुसलो आसवो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… सम्पयुत्तवारेपि पञ्हावारेपि सब्बत्थ एकं).

२. कुसलं नोआसवं धम्मं पटिच्च कुसलो नोआसवो धम्मो उप्पज्जति हेतुपच्चया. कुसलं नोआसवं धम्मं पटिच्च अब्याकतो नोआसवो धम्मो उप्पज्जति हेतुपच्चया. कुसलं नोआसवं धम्मं पटिच्च कुसलो नोआसवो च अब्याकतो नोआसवो च धम्मा उप्पज्जन्ति हेतुपच्चया. (३)

अकुसलं नोआसवं धम्मं पटिच्च अकुसलो नोआसवो धम्मो उप्पज्जति हेतुपच्चया… तीणि.

अब्याकतं नोआसवं धम्मं पटिच्च अब्याकतो नोआसवो धम्मो उप्पज्जति हेतुपच्चया. (१)

कुसलं नोआसवञ्च अब्याकतं नोआसवञ्च धम्मं पटिच्च अब्याकतो नोआसवो धम्मो उप्पज्जति हेतुपच्चया. (१)

अकुसलं नोआसवञ्च अब्याकतं नोआसवञ्च धम्मं पटिच्च अब्याकतो नोआसवो धम्मो उप्पज्जति हेतुपच्चया. (१)

आरम्मणपच्चयो

३. कुसलं नोआसवं धम्मं पटिच्च कुसलो नोआसवो धम्मो उप्पज्जति आरम्मणपच्चया. (१)

अकुसलं नोआसवं धम्मं पटिच्च अकुसलो नोआसवो धम्मो उप्पज्जति आरम्मणपच्चया. (१)

अब्याकतं नोआसवं धम्मं पटिच्च अब्याकतो नोआसवो धम्मो उप्पज्जति आरम्मणपच्चया. (१) (संखित्तं.)

४. हेतुया नव, आरम्मणे तीणि, अधिपतिया नव…पे… अविगते नव (संखित्तं).

नहेतुया एकं, नआरम्मणे पञ्च, नअधिपतिया नव…पे… नोविगते पञ्च (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

हेतु-आरम्मणपच्चया

५. कुसलो नोआसवो धम्मो कुसलस्स नोआसवस्स धम्मस्स हेतुपच्चयेन पच्चयो… तीणि.

अकुसलो नोआसवो धम्मो अकुसलस्स नोआसवस्स धम्मस्स हेतुपच्चयेन पच्चयो… तीणि.

अब्याकतो नोआसवो धम्मो अब्याकतस्स नोआसवस्स धम्मस्स हेतुपच्चयेन पच्चयो. (१)

कुसलो नोआसवो धम्मो कुसलस्स नोआसवस्स धम्मस्स आरम्मणपच्चयेन पच्चयो (संखित्तं).

६. हेतुया सत्त, आरम्मणे नव, अधिपतिया दस…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).