१-७. पटिच्चवारादि

१७. अब्याकतं सप्पटिघं धम्मं पटिच्च अब्याकतो सप्पटिघो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

१८. कुसलं अप्पटिघं धम्मं पटिच्च कुसलो अप्पटिघो धम्मो उप्पज्जति हेतुपच्चया… तीणि.

अकुसलं अप्पटिघं धम्मं पटिच्च अकुसलो अप्पटिघो धम्मो उप्पज्जति हेतुपच्चया… तीणि.

अब्याकतं अप्पटिघं धम्मं पटिच्च अब्याकतो अप्पटिघो धम्मो उप्पज्जति हेतुपच्चया. (१)

कुसलं अप्पटिघञ्च अब्याकतं अप्पटिघञ्च धम्मं पटिच्च अब्याकतो अप्पटिघो धम्मो उप्पज्जति हेतुपच्चया. (१)

अकुसलं अप्पटिघञ्च अब्याकतं अप्पटिघञ्च धम्मं पटिच्च अब्याकतो अप्पटिघो धम्मो उप्पज्जति हेतुपच्चया. (१)

१९. कुसलं अप्पटिघं धम्मं पटिच्च कुसलो अप्पटिघो धम्मो उप्पज्जति आरम्मणपच्चया. (१)

अकुसलं अप्पटिघं धम्मं पटिच्च अकुसलो अप्पटिघो धम्मो उप्पज्जति आरम्मणपच्चया. (१)

अब्याकतं अप्पटिघं धम्मं पटिच्च अब्याकतो अप्पटिघो धम्मो उप्पज्जति आरम्मणपच्चया. (१) (संखित्तं.)

२०. हेतुया नव, आरम्मणे तीणि, अधिपतिया नव…पे… अविगते नव (संखित्तं).

२१. अकुसलं अप्पटिघं धम्मं पटिच्च अकुसलो अप्पटिघो धम्मो उप्पज्जति नहेतुपच्चया. (१)

अब्याकतं अप्पटिघं धम्मं पटिच्च अब्याकतो अप्पटिघो धम्मो उप्पज्जति नहेतुपच्चया. (१) (संखित्तं.)

२२. नहेतुया द्वे, नआरम्मणे पञ्च, नअधिपतिया नव…पे… नोविगते पञ्च (संखित्तं. सहजातवारम्पि…पे… सम्पयुत्तवारम्पि पटिच्चवारसदिसं).

२३. कुसलो अप्पटिघो धम्मो कुसलस्स अप्पटिघस्स धम्मस्स हेतुपच्चयेन पच्चयो… तीणि.

अकुसलो अप्पटिघो धम्मो अकुसलस्स अप्पटिघस्स धम्मस्स हेतुपच्चयेन पच्चयो… तीणि.

अब्याकतो अप्पटिघो धम्मो अब्याकतस्स अप्पटिघस्स धम्मस्स हेतुपच्चयेन पच्चयो. (१) (संखित्तं.)

२४. हेतुया सत्त, आरम्मणे नव, अधिपतिया दस…पे… अविगते तेरस (संखित्तं. यथा कुसलत्तिके पञ्हावारं, एवं वित्थारेतब्बं).