१-७. पटिच्चवारादि

पच्चयचतुक्कं

१८. सरणं सवितक्कसविचारं धम्मं पटिच्च सरणो सवितक्कसविचारो धम्मो उप्पज्जति हेतुपच्चया. (१)

अरणं सवितक्कसविचारं धम्मं पटिच्च अरणो सवितक्कसविचारो धम्मो उप्पज्जति हेतुपच्चया. (१) (संखित्तं.)

१९. हेतुया द्वे, आरम्मणे द्वे…पे… अविगते द्वे (संखित्तं. सहजातवारम्पि…पे… पञ्हावारम्पि वित्थारेतब्बं).

२०. अरणं अवितक्कविचारमत्तं धम्मं पटिच्च अरणो अवितक्कविचारमत्तो धम्मो उप्पज्जति हेतुपच्चया (संखित्तं).

हेतुया एकं…पे… अविगते एकं (संखित्तं. सहजातवारेपि…पे… पञ्हावारेपि सब्बत्थ एकं).

२१. अरणं अवितक्कअविचारं धम्मं पटिच्च अरणो अवितक्कअविचारो धम्मो उप्पज्जति हेतुपच्चया (संखित्तं).

हेतुया एकं (सब्बत्थ एकं)…पे… अविगते एकं (संखित्तं).