१-७. पटिच्चवारादि

पच्चयचतुक्कं

११. अरणं उपादिन्नुपादानियं धम्मं पटिच्च अरणो उपादिन्नुपादानियो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं. सहजातवारेपि…पे… पञ्हावारेपि सब्बत्थ एकं).

१२. सरणं अनुपादिन्नुपादानियं धम्मं पटिच्च सरणो अनुपादिन्नुपादानियो धम्मो उप्पज्जति हेतुपच्चया… तीणि.

अरणं अनुपादिन्नुपादानियं धम्मं पटिच्च अरणो अनुपादिन्नुपादानियो धम्मो उप्पज्जति हेतुपच्चया. (१)

सरणं अनुपादिन्नुपादानियञ्च अरणं अनुपादिन्नुपादानियञ्च धम्मं पटिच्च अरणो अनुपादिन्नुपादानियो धम्मो उप्पज्जति हेतुपच्चया. (१) (संखित्तं.)

१३. हेतुया पञ्च, आरम्मणे द्वे…पे… अविगते पञ्च (संखित्तं. सहजातवारम्पि…पे… पञ्हावारम्पि सब्बत्थ वित्थारेतब्बं).

१४. अरणं अनुपादिन्नअनुपादानियं धम्मं पटिच्च अरणो अनुपादिन्नअनुपादानियो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं. सहजातवारेपि …पे… पञ्हावारेपि सब्बत्थ एकं).