१-७. पटिच्चवारादि

पच्चयचतुक्कं

६७. सरणं अज्झत्तारम्मणं धम्मं पटिच्च सरणो अज्झत्तारम्मणो धम्मो उप्पज्जति हेतुपच्चया. (१)

अरणं अज्झत्तारम्मणं धम्मं पटिच्च अरणो अज्झत्तारम्मणो धम्मो उप्पज्जति हेतुपच्चया. (१) (संखित्तं.)

हेतुया द्वे, आरम्मणे द्वे…पे… अविगते द्वे. (संखित्तं.) (सहजातवारेपि …पे… पञ्हावारेपि सब्बत्थ वित्थारेतब्बो.)

६८. सरणं बहिद्धारम्मणं धम्मं पटिच्च सरणो बहिद्धारम्मणो धम्मो उप्पज्जति हेतुपच्चया. (१)

अरणं बहिद्धारम्मणं धम्मं पटिच्च अरणो बहिद्धारम्मणो धम्मो उप्पज्जति हेतुपच्चया. (१) (संखित्तं.)

हेतुया द्वे, आरम्मणे द्वे…पे… अविगते द्वे. (संखित्तं.) (सहजातवारेपि…पे… पञ्हावारेपि सब्बत्थ वित्थारेतब्बो.)