१-७. पटिच्चवारादि

पच्चयचतुक्कं

४२. सरणं परित्तं धम्मं पटिच्च सरणो परित्तो धम्मो उप्पज्जति हेतुपच्चया… तीणि.

अरणं परित्तं धम्मं पटिच्च अरणो परित्तो धम्मो उप्पज्जति हेतुपच्चया. (१)

सरणं परित्तञ्च अरणं परित्तञ्च धम्मं पटिच्च अरणो परित्तो धम्मो उप्पज्जति हेतुपच्चया. (१) (संखित्तं.)

हेतुया पञ्च, आरम्मणे द्वे…पे… अविगते पञ्च. (संखित्तं.) (सहजातवारेपि…पे… पञ्हावारेपि सब्बत्थ वित्थारेतब्बो.)

४३. अरणं महग्गतं धम्मं पटिच्च अरणो महग्गतो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं. (संखित्तं.) (सहजातवारेपि…पे… पञ्हावारेपि सब्बत्थ एकं.)

४४. अरणं अप्पमाणं धम्मं पटिच्च अरणो अप्पमाणो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)