१-७. पटिच्चवारादि

पच्चयचतुक्कं

३१. सरणं दस्सनेन पहातब्बहेतुकं धम्मं पटिच्च सरणो दस्सनेन पहातब्बहेतुको धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं. सहजातवारेपि…पे… पञ्हावारेपि सब्बत्थ एकं).

३२. सरणं भावनाय पहातब्बहेतुकं धम्मं पटिच्च सरणो भावनाय पहातब्बहेतुको धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं. सहजातवारेपि…पे… पञ्हावारेपि सब्बत्थ एकं).

३३. सरणं नेवदस्सनेन नभावनाय पहातब्बहेतुकं धम्मं पटिच्च अरणो नेवदस्सनेन नभावनाय पहातब्बहेतुको धम्मो उप्पज्जति हेतुपच्चया (संखित्तं).

हेतुया तीणि, आरम्मणे एकं. (सब्बत्थ वित्थारेतब्बं.)