१-७. पटिच्चवारादि

पच्चयचतुक्कं

५५. पीतिसहगतं कुसलं धम्मं पटिच्च…पे…. (कुसलम्पि अकुसलम्पि अब्याकतम्पि सप्पीतिकदुकसदिसं).

५६. सुखसहगतं कुसलं धम्मं पटिच्च…पे…. (कुसलम्पि अकुसलम्पि अब्याकतम्पि सप्पीतिकदुकसदिसं. अकुसलं धम्मं पटिच्च…पे… पच्चनीये नहेतुया एकं. अब्याकतं धम्मं पटिच्च…पे… पच्चनीये नहेतुया नव…पे… नझाने छ, कातब्बा. पच्चनीये पञ्हावारे कुसलाकुसले इन्द्रिये झाने छ, पञ्हावारे अब्याकते नव).