१-७. पटिच्चवारादि

पच्चयचतुक्कं

१. नदस्सनेन पहातब्बं कुसलं धम्मं पटिच्च नदस्सनेन पहातब्बो कुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं, अधिपतिया एकं…पे… अविगते एकं (संखित्तं. सहजातवारेपि…पे… पञ्हावारेपि सब्बत्थ एकं).

२. दस्सनेन पहातब्बं अकुसलं धम्मं पटिच्च दस्सनेन पहातब्बो अकुसलो धम्मो उप्पज्जति हेतुपच्चया (संखित्तं).

हेतुया द्वे, आरम्मणे द्वे, अधिपतिया द्वे…पे… अविगते द्वे (संखित्तं).

३. दस्सनेन पहातब्बं अकुसलं धम्मं पटिच्च दस्सनेन पहातब्बो अकुसलो धम्मो उप्पज्जति नहेतुपच्चया – विचिकिच्छासहगते खन्धे पटिच्च विचिकिच्छासहगतो मोहो. (१)

नदस्सनेन पहातब्बं अकुसलं धम्मं पटिच्च नदस्सनेन पहातब्बो अकुसलो धम्मो उप्पज्जति नहेतुपच्चया. (१) (संखित्तं.)

४. नहेतुया द्वे, नअधिपतिया द्वे, नपुरेजाते द्वे…पे… नकम्मे द्वे, नविपाके द्वे, नविप्पयुत्ते द्वे (संखित्तं. सहजातवारेपि…पे… सम्पयुत्तवारेपि सब्बत्थ वित्थारेतब्बं).

५. दस्सनेन पहातब्बो अकुसलो धम्मो दस्सनेन पहातब्बस्स अकुसलस्स धम्मस्स हेतुपच्चयेन पच्चयो. (१)

नदस्सनेन पहातब्बो अकुसलो धम्मो नदस्सनेन पहातब्बस्स अकुसलस्स धम्मस्स हेतुपच्चयेन पच्चयो. (१) (संखित्तं.)

६. हेतुया द्वे, आरम्मणे तीणि (दस्सने एकं, नदस्सने द्वे), अधिपतिया तीणि (दस्सनेन पहातब्बमूलकं एकं, नदस्सने द्वे, आरम्मणाधिपति, सहजाताधिपति, एकारम्मणाधिपति), अनन्तरे द्वे (दस्सनमूलकं एकं, नदस्सने एकं), समनन्तरे द्वे, सहजाते द्वे…पे… उपनिस्सये तीणि, आसेवने द्वे, कम्मे द्वे, आहारे द्वे…पे… सम्पयुत्ते द्वे, अत्थिया द्वे, नत्थिया द्वे…पे… अविगते द्वे (संखित्तं).

७. नदस्सनेन पहातब्बं अब्याकतं धम्मं पटिच्च नदस्सनेन पहातब्बो अब्याकतो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि …पे… पञ्हावारेपि सब्बत्थ एकं.)