१-७. पटिच्चवारादि

पच्चयचतुक्कं

हेतुपच्चयो

९. संकिलेसिकं कुसलं धम्मं पटिच्च संकिलेसिको कुसलो धम्मो उप्पज्जति हेतुपच्चया. (१)

असंकिलेसिकं कुसलं धम्मं पटिच्च असंकिलेसिको कुसलो धम्मो उप्पज्जति हेतुपच्चया. (१) (संखित्तं.)

१०. हेतुया द्वे, आरम्मणे द्वे…पे… अविगते द्वे (संखित्तं. लोकियदुककुसलसदिसं. सहजातवारम्पि…पे… पञ्हावारम्पि वित्थारेतब्बं).

११. संकिलेसिकं अकुसलं धम्मं पटिच्च संकिलेसिको अकुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

१२. संकिलेसिकं अब्याकतं धम्मं पटिच्च संकिलेसिको अब्याकतो धम्मो उप्पज्जति हेतुपच्चया. (१)

असंकिलेसिकं अब्याकतं धम्मं पटिच्च असंकिलेसिको अब्याकतो धम्मो उप्पज्जति हेतुपच्चया… तीणि.

संकिलेसिकं अब्याकतञ्च असंकिलेसिकं अब्याकतञ्च धम्मं पटिच्च संकिलेसिको अब्याकतो धम्मो उप्पज्जति हेतुपच्चया (संखित्तं).

१३. हेतुया पञ्च, आरम्मणे द्वे…पे… अविगते पञ्च (संखित्तं. लोकियदुकअब्याकतसदिसं. सहजातवारेपि…पे… पञ्हावारेपि सब्बत्थ वित्थारेतब्बं).