१-७. पटिच्चवारादि

पच्चयचतुक्कं

२६. किलेसञ्चेव किलेससम्पयुत्तञ्च अकुसलं धम्मं पटिच्च किलेसो चेव किलेससम्पयुत्तो च अकुसलो धम्मो उप्पज्जति हेतुपच्चया… तीणि.

किलेससम्पयुत्तञ्चेव नो च किलेसं अकुसलं धम्मं पटिच्च किलेससम्पयुत्तो चेव नो च किलेसो अकुसलो धम्मो उप्पज्जति हेतुपच्चया… तीणि.

किलेसञ्चेव किलेससम्पयुत्तं अकुसलञ्च किलेससम्पयुत्तञ्चेव नो च किलेसं अकुसलञ्च धम्मं पटिच्च किलेसो चेव किलेससम्पयुत्तो च अकुसलो धम्मो उप्पज्जति हेतुपच्चया… तीणि (संखित्तं).

२७. हेतुया नव, आरम्मणे नव…पे… अविगते नव (संखित्तं. किलेसदुकअकुसलसदिसं. सहजातवारेपि…पे… पञ्हावारेपि सब्बत्थ वित्थारेतब्बं).