१-७. पटिच्चवारादि

पच्चयचतुक्कं

हेतुपच्चयो

२१. उपादानियञ्चेव नो च उपादानं कुसलं धम्मं पटिच्च उपादानियो चेव नो च उपादानो कुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

२२. उपादानञ्चेव उपादानियञ्च अकुसलं धम्मं पटिच्च उपादानो चेव उपादानियो च अकुसलो धम्मो उप्पज्जति हेतुपच्चया… तीणि.

उपादानियञ्चेव नो च उपादानं अकुसलं धम्मं पटिच्च उपादानियो चेव नो च उपादानो अकुसलो धम्मो उप्पज्जति हेतुपच्चया… तीणि.

उपादानञ्चेव उपादानियं अकुसलञ्च उपादानियञ्चेव नो च उपादानं अकुसलञ्च धम्मं पटिच्च उपादानो चेव उपादानियो च अकुसलो धम्मो उप्पज्जति हेतुपच्चया… तीणि (संखित्तं).

२३. हेतुया नव, आरम्मणे नव…पे… अविगते नव (संखित्तं. इमं गमनं उपादानदुकअकुसलसदिसं. सहजातवारम्पि…पे… पञ्हावारम्पि वित्थारेतब्बं).

२४. उपादानियञ्चेव नो च उपादानं अब्याकतं धम्मं पटिच्च उपादानियो चेव नो च उपादानो अब्याकतो धम्मो उप्पज्जति हेतुपच्चया (संखित्तं).

२५. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)