१-७. पटिच्चवारादि

पच्चयचतुक्कं

हेतुपच्चयो

१०. उपादानियं कुसलं धम्मं पटिच्च उपादानियो कुसलो धम्मो उप्पज्जति हेतुपच्चया. (१)

अनुपादानियं कुसलं धम्मं पटिच्च अनुपादानियो कुसलो धम्मो उप्पज्जति हेतुपच्चया. (१) (संखित्तं.)

११. हेतुया द्वे, आरम्मणे द्वे…पे… अविगते द्वे (संखित्तं. लोकियलोकुत्तरदुककुसलसदिसं. सहजातवारम्पि…पे… पञ्हावारम्पि वित्थारेतब्बं.)

१२. उपादानियं अकुसलं धम्मं पटिच्च उपादानियो अकुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

१३. उपादानियं अब्याकतं धम्मं पटिच्च उपादानियो अब्याकतो धम्मो उप्पज्जति हेतुपच्चया. (१)

अनुपादानियं अब्याकतं धम्मं पटिच्च अनुपादानियो अब्याकतो धम्मो उप्पज्जति हेतुपच्चया. अनुपादानियं अब्याकतं धम्मं पटिच्च उपादानियो अब्याकतो धम्मो उप्पज्जति हेतुपच्चया. अनुपादानियं अब्याकतं धम्मं पटिच्च उपादानियो अब्याकतो च अनुपादानियो अब्याकतो च धम्मा उप्पज्जन्ति हेतुपच्चया. (३)

उपादानियं अब्याकतञ्च अनुपादानियं अब्याकतञ्च धम्मं पटिच्च उपादानियो अब्याकतो धम्मो उप्पज्जति हेतुपच्चया. (१) (संखित्तं.)

१४. हेतुया पञ्च, आरम्मणे द्वे…पे… आसेवने एकं…पे… अविगते पञ्च (संखित्तं. लोकियदुकअब्याकतसदिसं. सहजातवारम्पि…पे… पञ्हावारम्पि वित्थारेतब्बं).