१-७. पटिच्चवारादि

पच्चयचतुक्कं

हेतुपच्चयो

२९. चित्तसम्पयुत्तं कुसलं धम्मं पटिच्च चित्तसम्पयुत्तो कुसलो धम्मो उप्पज्जति हेतुपच्चया (संखित्तं).

३०. हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

३१. चित्तसम्पयुत्तं अकुसलं धम्मं पटिच्च चित्तसम्पयुत्तो अकुसलो धम्मो उप्पज्जति हेतुपच्चया (संखित्तं).

३२. हेतुया एकं, आरम्मणे एकं…पे… अविगते एकं (संखित्तं). (सहजातवारेपि…पे… पञ्हावारेपि सब्बत्थ एकं.)

अब्याकतपदं – हेतुपच्चयो

३३. चित्तसम्पयुत्तं अब्याकतं धम्मं पटिच्च चित्तसम्पयुत्तो अब्याकतो धम्मो उप्पज्जति हेतुपच्चया. चित्तसम्पयुत्तं अब्याकतं धम्मं पटिच्च चित्तविप्पयुत्तो अब्याकतो धम्मो उप्पज्जति हेतुपच्चया. चित्तसम्पयुत्तं अब्याकतं धम्मं पटिच्च चित्तसम्पयुत्तो अब्याकतो च चित्तविप्पयुत्तो अब्याकतो च धम्मा उप्पज्जन्ति हेतुपच्चया. (३)

चित्तविप्पयुत्तं अब्याकतं धम्मं पटिच्च चित्तविप्पयुत्तो अब्याकतो धम्मो उप्पज्जति हेतुपच्चया. चित्तविप्पयुत्तं अब्याकतं धम्मं पटिच्च चित्तसम्पयुत्तो अब्याकतो धम्मो उप्पज्जति हेतुपच्चया. चित्तविप्पयुत्तं अब्याकतं धम्मं पटिच्च चित्तसम्पयुत्तो अब्याकतो च चित्तविप्पयुत्तो अब्याकतो च धम्मा उप्पज्जन्ति हेतुपच्चया. (३)

चित्तसम्पयुत्तं अब्याकतञ्च चित्तविप्पयुत्तं अब्याकतञ्च धम्मं पटिच्च चित्तसम्पयुत्तो अब्याकतो धम्मो उप्पज्जति हेतुपच्चया. चित्तसम्पयुत्तं अब्याकतञ्च चित्तविप्पयुत्तं अब्याकतञ्च धम्मं पटिच्च चित्तविप्पयुत्तो अब्याकतो धम्मो उप्पज्जति हेतुपच्चया. चित्तसम्पयुत्तं अब्याकतञ्च चित्तविप्पयुत्तं अब्याकतञ्च धम्मं पटिच्च चित्तसम्पयुत्तो अब्याकतो च चित्तविप्पयुत्तो अब्याकतो च धम्मा उप्पज्जन्ति हेतुपच्चया. (३) (संखित्तं.)

३४. हेतुया नव, आरम्मणे तीणि, अधिपतिया पञ्च…पे… अञ्ञमञ्ञे छ…पे… पुरेजाते एकं, आसेवने एकं, कम्मे नव, विपाके नव…पे… अविगते नव (संखित्तं).

नहेतुया नव, नआरम्मणे तीणि, नअधिपतिया नव…पे… नपुरेजाते नव…पे… नकम्मे द्वे, नविपाके पञ्च, नआहारे एकं, नइन्द्रिये एकं, नझाने द्वे, नमग्गे नव, नसम्पयुत्ते तीणि, नविप्पयुत्ते द्वे (संखित्तं, सहजातवारादि वित्थारेतब्बो).

हेतु-आरम्मणपच्चया

३५. चित्तसम्पयुत्तो अब्याकतो धम्मो चित्तसम्पयुत्तस्स अब्याकतस्स धम्मस्स हेतुपच्चयेन पच्चयो… तीणि.

चित्तसम्पयुत्तो अब्याकतो धम्मो चित्तसम्पयुत्तस्स अब्याकतस्स धम्मस्स आरम्मणपच्चयेन पच्चयो. (१)

चित्तविप्पयुत्तो अब्याकतो धम्मो चित्तसम्पयुत्तस्स अब्याकतस्स धम्मस्स आरम्मणपच्चयेन पच्चयो. (१) (संखित्तं.)

३६. हेतुया तीणि, आरम्मणे द्वे, अधिपतिया चत्तारि, अनन्तरे एकं…पे… सहजाते सत्त, अञ्ञमञ्ञे छ, निस्सये सत्त, उपनिस्सये द्वे, पुरेजाते एकं, पच्छाजाते एकं, आसेवने एकं, कम्मे तीणि, विपाके तीणि, आहारे चत्तारि, इन्द्रिये छ, झाने तीणि, मग्गे तीणि, सम्पयुत्ते एकं, विप्पयुत्ते द्वे (संखित्तं).