१-७. पटिच्चवारादि

पच्चयचतुक्कं

हेतुपच्चयो

९. चित्तं कुसलं धम्मं पटिच्च नोचित्तो कुसलो धम्मो उप्पज्जति हेतुपच्चया. (१)

नोचित्तं कुसलं धम्मं पटिच्च नोचित्तो कुसलो धम्मो उप्पज्जति हेतुपच्चया. नोचित्तं कुसलं धम्मं पटिच्च चित्तो कुसलो धम्मो उप्पज्जति हेतुपच्चया. नोचित्तं कुसलं धम्मं पटिच्च चित्तो कुसलो च नोचित्तो कुसलो च धम्मा उप्पज्जन्ति हेतुपच्चया. (३)

चित्तं कुसलञ्च नोचित्तं कुसलञ्च धम्मं पटिच्च नोचित्तो कुसलो धम्मो उप्पज्जति हेतुपच्चया. (१) (संखित्तं.)

१०. हेतुया पञ्च, आरम्मणे पञ्च (सब्बत्थ पञ्च), अविगते पञ्च (संखित्तं).

नअधिपतिया पञ्च, नपुरेजाते पञ्च, नपच्छाजाते पञ्च, नआसेवने पञ्च, नकम्मे तीणि, नविपाके पञ्च, नविप्पयुत्ते पञ्च (संखित्तं).

(सहजातवारम्पि…पे… सम्पयुत्तवारम्पि वित्थारेतब्बं.)

११. नोचित्तो कुसलो धम्मो नोचित्तस्स कुसलस्स धम्मस्स हेतुपच्चयेन पच्चयो. नोचित्तो कुसलो धम्मो चित्तस्स कुसलस्स धम्मस्स हेतुपच्चयेन पच्चयो. नोचित्तो कुसलो धम्मो चित्तस्स कुसलस्स च नोचित्तस्स कुसलस्स च धम्मस्स हेतुपच्चयेन पच्चयो. (३) (संखित्तं.)

१२. हेतुया तीणि, आरम्मणे नव, अधिपतिया नव, अनन्तरे नव…पे… सहजाते अञ्ञमञ्ञे निस्सये पञ्च, उपनिस्सये आसेवने नव, कम्मे तीणि, आहारे इन्द्रिये पञ्च, झाने मग्गे तीणि, सम्पयुत्ते पञ्च…पे… अविगते पञ्च (संखित्तं).

नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)

१३. चित्तं अकुसलं धम्मं पटिच्च नोचित्तो अकुसलो धम्मो उप्पज्जति हेतुपच्चया. (१)

नोचित्तं अकुसलं धम्मं पटिच्च नोचित्तो अकुसलो धम्मो उप्पज्जति हेतुपच्चया. नोचित्तं अकुसलं धम्मं पटिच्च चित्तो अकुसलो धम्मो उप्पज्जति हेतुपच्चया. नोचित्तं अकुसलं धम्मं पटिच्च चित्तो अकुसलो च नोचित्तो अकुसलो च धम्मा उप्पज्जन्ति हेतुपच्चया. (३)

चित्तं अकुसलञ्च नोचित्तं अकुसलञ्च धम्मं पटिच्च नोचित्तो अकुसलो धम्मो उप्पज्जति हेतुपच्चया. (१) (संखित्तं.)

१४. हेतुया पञ्च, आरम्मणे पञ्च…पे… अविगते पञ्च. (संखित्तं. चित्तदुककुसलसदिसं, नहेतुयापि कत्तब्बं. सहजातवारम्पि…पे… पञ्हावारम्पि कातब्बं).

१५. चित्तं अब्याकतं धम्मं पटिच्च नोचित्तो अब्याकतो धम्मो उप्पज्जति हेतुपच्चया. (१)

नोचित्तं अब्याकतं धम्मं पटिच्च नोचित्तो अब्याकतो धम्मो उप्पज्जति हेतुपच्चया. नोचित्तं अब्याकतं धम्मं पटिच्च चित्तो अब्याकतो धम्मो उप्पज्जति हेतुपच्चया. नोचित्तं अब्याकतं धम्मं पटिच्च चित्तो अब्याकतो च नोचित्तो अब्याकतो च धम्मा उप्पज्जन्ति हेतुपच्चया. (३)

चित्तं अब्याकतञ्च नोचित्तं अब्याकतञ्च धम्मं पटिच्च नोचित्तो अब्याकतो धम्मो उप्पज्जति हेतुपच्चया. (१) (संखित्तं.)

१६. हेतुया पञ्च, आरम्मणे पञ्च…पे… विपाके पञ्च…पे… अविगते पञ्च (संखित्तं).

नहेतुया पञ्च, नआरम्मणे तीणि, नअधिपतिया पञ्च…पे… नपुरेजाते नपच्छाजाते नआसेवने पञ्च, नकम्मे तीणि, नविपाके पञ्च, नआहारे एकं, नइन्द्रिये एकं, नझाने पञ्च, नमग्गे पञ्च, नसम्पयुत्ते तीणि, नविप्पयुत्ते पञ्च…पे… नोविगते तीणि (संखित्तं).

(सहजातवारम्पि…पे… सम्पयुत्तवारम्पि वित्थारेतब्बं.)

१७. नोचित्तो अब्याकतो धम्मो नोचित्तस्स अब्याकतस्स धम्मस्स हेतुपच्चयेन पच्चयो… तीणि (चित्तदुककुसलसदिसं वित्थारेतब्बं).

१८. हेतुया तीणि, आरम्मणे नव, अधिपतिया नव, अनन्तरे नव…पे… सहजाते पञ्च, पुरेजाते तीणि, आसेवने नव, कम्मे तीणि, विपाके पञ्च, विप्पयुत्ते पञ्च, अत्थिया पञ्च, नत्थिया नव…पे… अविगते पञ्च (संखित्तं).