१-७. पटिच्चवारादि

पच्चयचतुक्कं

हेतुपच्चयो

९२. नोउपादा कुसलं धम्मं पटिच्च नोउपादा कुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि…पे… पञ्हावारेपि सब्बत्थ एकं.)

९३. नोउपादा अकुसलं धम्मं पटिच्च नोउपादा अकुसलो धम्मो उप्पज्जति हेतुपच्चया (संखित्तं).

हेतुया एकं, आरम्मणे एकं…पे… अविगते एकं (संखित्तं).

(सहजातवारेपि …पे… पञ्हावारेपि सब्बत्थ एकं.)

९४. उपादा अब्याकतं धम्मं पटिच्च नोउपादा अब्याकतो धम्मो उप्पज्जति हेतुपच्चया. (१)

नोउपादा अब्याकतं धम्मं पटिच्च नोउपादा अब्याकतो धम्मो उप्पज्जति हेतुपच्चया. नोउपादा अब्याकतं धम्मं पटिच्च उपादा अब्याकतो धम्मो उप्पज्जति हेतुपच्चया. नोउपादा अब्याकतं धम्मं पटिच्च उपादा अब्याकतो च नोउपादा अब्याकतो च धम्मा उप्पज्जन्ति हेतुपच्चया. (३)

उपादा अब्याकतञ्च नोउपादा अब्याकतञ्च धम्मं पटिच्च नोउपादा अब्याकतो धम्मो उप्पज्जति हेतुपच्चया. (१) (संखित्तं.)

९५. हेतुया पञ्च, आरम्मणे तीणि…पे… अञ्ञमञ्ञे पञ्च…पे… पुरेजाते एकं, आसेवने एकं, कम्मे पञ्च, विपाके पञ्च…पे… अविगते पञ्च (संखित्तं).

नहेतुया पञ्च, नआरम्मणे तीणि, नअधिपतिया पञ्च…पे… नपुरेजाते पञ्च…पे… नकम्मे तीणि, नविपाके तीणि, नआहारे तीणि, नइन्द्रिये तीणि, नझाने तीणि, नमग्गे पञ्च, नसम्पयुत्ते तीणि, नविप्पयुत्ते तीणि, नोनत्थिया तीणि, नोविगते तीणि (संखित्तं. सहजातवारम्पि…पे… सम्पयुत्तवारम्पि वित्थारेतब्बं.)

हेतुआरम्मणपच्चयादि

९६. नोउपादा अब्याकतो धम्मो नोउपादा अब्याकतस्स धम्मस्स हेतुपच्चयेन पच्चयो… तीणि.

उपादा अब्याकतो धम्मो नोउपादा अब्याकतस्स धम्मस्स आरम्मणपच्चयेन पच्चयो. (१)

नोउपादा अब्याकतो धम्मो नोउपादा अब्याकतस्स धम्मस्स आरम्मणपच्चयेन पच्चयो. (१)

नोउपादा अब्याकतो धम्मो नोउपादा अब्याकतस्स धम्मस्स अधिपतिपच्चयेन पच्चयो… तीणि (पठमे द्वेपि अधिपती, द्वीसु सहजाताधिपति).

उपादा अब्याकतो धम्मो नोउपादा अब्याकतस्स धम्मस्स उपनिस्सयपच्चयेन पच्चयो. (१)

नोउपादा अब्याकतो धम्मो नोउपादा अब्याकतस्स धम्मस्स उपनिस्सयपच्चयेन पच्चयो. (१) (संखित्तं.)

९७. उपनिस्सये द्वे, पुरेजाते तीणि, पच्छाजाते तीणि, आसेवने एकं, कम्मे तीणि, विपाके तीणि, आहारे छ, इन्द्रिये सत्त, झाने तीणि, मग्गे तीणि, सम्पयुत्ते एकं, विप्पयुत्ते चत्तारि, अत्थिया नव…पे… अविगते नव (संखित्तं).