१-७. पटिच्चवारादि

पच्चयचतुक्कं

हेतुपच्चयो

७९. चित्तसंसट्ठसमुट्ठानानुपरिवत्तिं कुसलं धम्मं पटिच्च चित्तसंसट्ठसमुट्ठानानुपरिवत्ती कुसलो धम्मो उप्पज्जति हेतुपच्चया… तीणि.

नोचित्तसंसट्ठसमुट्ठानानुपरिवत्तिं कुसलं धम्मं पटिच्च चित्तसंसट्ठसमुट्ठानानुपरिवत्ती कुसलो धम्मो उप्पज्जति हेतुपच्चया. (१)

चित्तसंसट्ठसमुट्ठानानुपरिवत्तिं कुसलञ्च नोचित्तसंसट्ठसमुट्ठानानुपरिवत्तिं कुसलञ्च धम्मं पटिच्च चित्तसंसट्ठसमुट्ठानानुपरिवत्ती कुसलो धम्मो उप्पज्जति हेतुपच्चया. (१) (संखित्तं.)

८०. हेतुया पञ्च, आरम्मणे पञ्च…पे… अविगते पञ्च (संखित्तं).

(सहजातवारम्पि…पे… पञ्हावारम्पि वित्थारेतब्बं.)

८१. चित्तसंसट्ठसमुट्ठानानुपरिवत्तिं अकुसलं धम्मं पटिच्च चित्तसंसट्ठसमुट्ठानानुपरिवत्ती अकुसलो धम्मो उप्पज्जति हेतुपच्चया (संखित्तं).

८२. हेतुया पञ्च, आरम्मणे पञ्च…पे… अविगते पञ्च (संखित्तं).

(सहजातवारम्पि…पे… पञ्हावारम्पि वित्थारेतब्बं.)

८३. चित्तसंसट्ठसमुट्ठानानुपरिवत्तिं अब्याकतं धम्मं पटिच्च चित्तसंसट्ठसमुट्ठानानुपरिवत्ती अब्याकतो धम्मो उप्पज्जति हेतुपच्चया (संखित्तं).

हेतुया नव, आरम्मणे नव…पे… अविगते नव. (संखित्तं. चित्तसंसट्ठसमुट्ठानदुकअब्याकतसदिसं. सहजातवारम्पि…पे… पञ्हावारम्पि वित्थारेतब्बं.)