१-७. पटिच्चवारादि

पच्चयचतुक्कं

हेतुपच्चयो

६५. चित्तसंसट्ठसमुट्ठानं कुसलं धम्मं पटिच्च चित्तसंसट्ठसमुट्ठानो कुसलो धम्मो उप्पज्जति हेतुपच्चया. चित्तसंसट्ठसमुट्ठानं कुसलं धम्मं पटिच्च नोचित्तसंसट्ठसमुट्ठानो कुसलो धम्मो उप्पज्जति हेतुपच्चया. चित्तसंसट्ठसमुट्ठानं कुसलं धम्मं पटिच्च चित्तसंसट्ठसमुट्ठानो कुसलो च नोचित्तसंसट्ठसमुट्ठानो कुसलो च धम्मा उप्पज्जन्ति हेतुपच्चया. (३)

नोचित्तसंसट्ठसमुट्ठानं कुसलं धम्मं पटिच्च चित्तसंसट्ठसमुट्ठानो कुसलो धम्मो उप्पज्जति हेतुपच्चया. (१)

चित्तसंसट्ठसमुट्ठानं कुसलञ्च नोचित्तसंसट्ठसमुट्ठानं कुसलञ्च धम्मं पटिच्च चित्तसंसट्ठसमुट्ठानो कुसलो धम्मो उप्पज्जति हेतुपच्चया. (१) (संखित्तं.)

६६. हेतुया पञ्च, आरम्मणे पञ्च…पे… अविगते पञ्च. (संखित्तं. यथा महन्तरदुके चेतसिकदुककुसलसदिसं, तत्तका एव पञ्हा. सहजातवारम्पि…पे… पञ्हावारम्पि वित्थारेतब्बं.)

६७. चित्तसंसट्ठसमुट्ठानं अकुसलं धम्मं पटिच्च चित्तसंसट्ठसमुट्ठानो अकुसलो धम्मो उप्पज्जति हेतुपच्चया… तीणि.

नोचित्तसंसट्ठसमुट्ठानं अकुसलं धम्मं पटिच्च चित्तसंसट्ठसमुट्ठानो अकुसलो धम्मो उप्पज्जति हेतुपच्चया. (१)

चित्तसंसट्ठसमुट्ठानं अकुसलञ्च नोचित्तसंसट्ठसमुट्ठानं अकुसलञ्च धम्मं पटिच्च चित्तसंसट्ठसमुट्ठानो अकुसलो धम्मो उप्पज्जति हेतुपच्चया. (१) (संखित्तं.)

६८. हेतुया पञ्च, आरम्मणे पञ्च…पे… अविगते पञ्च (संखित्तं. चेतसिकदुकअकुसलसदिसं. सहजातवारम्पि…पे… पञ्हावारम्पि वित्थारेतब्बं.)

६९. चित्तसंसट्ठसमुट्ठानं अब्याकतं धम्मं पटिच्च चित्तसंसट्ठसमुट्ठानो अब्याकतो धम्मो उप्पज्जति हेतुपच्चया… तीणि.

नोचित्तसंसट्ठसमुट्ठानं अब्याकतं धम्मं पटिच्च नोचित्तसंसट्ठसमुट्ठानो अब्याकतो धम्मो उप्पज्जति हेतुपच्चया… तीणि.

चित्तसंसट्ठसमुट्ठानं अब्याकतञ्च नोचित्तसंसट्ठसमुट्ठानं अब्याकतञ्च धम्मं पटिच्च चित्तसंसट्ठसमुट्ठानो अब्याकतो धम्मो उप्पज्जति हेतुपच्चया… तीणि (संखित्तं).

७०. हेतुया नव, आरम्मणे नव, अधिपतिया नव…पे… पुरेजाते पञ्च, आसेवने पञ्च, कम्मे नव…पे… अविगते नव (संखित्तं).

नहेतुया नव, नआरम्मणे तीणि…पे… नकम्मे चत्तारि, नविपाके नव, नआहारे एकं, नइन्द्रिये एकं, नझाने छ, नमग्गे नव, नसम्पयुत्ते तीणि, नविप्पयुत्ते छ, नोनत्थिया तीणि, नोविगते तीणि (संखित्तं. सहजातवारम्पि…पे… सम्पयुत्तवारम्पि वित्थारेतब्बं).

७१. चित्तसंसट्ठसमुट्ठानो अब्याकतो धम्मो चित्तसंसट्ठसमुट्ठानस्स अब्याकतस्स धम्मस्स हेतुपच्चयेन पच्चयो (संखित्तं).

७२. हेतुया तीणि, आरम्मणे नव, अधिपतिया नव (एत्थ छसु सहजाताधिपति), अनन्तरे नव (सब्बत्थ नव), पुरेजाते तीणि, पच्छाजाते तीणि, आसेवने नव, कम्मे तीणि, विपाके नव, आहारे नव, इन्द्रिये नव, झाने तीणि, मग्गे तीणि, सम्पयुत्ते पञ्च, विप्पयुत्ते पञ्च, अत्थिया नव…पे… अविगते नव (संखित्तं).

नहेतुया नव, नआरम्मणे नव (संखित्तं).

हेतुपच्चया नआरम्मणे तीणि (संखित्तं).

नहेतुपच्चया आरम्मणे नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)