१-७. पटिच्चवारादि

पच्चयचतुक्कं

हेतुपच्चयो

५९. चित्तानुपरिवत्तिं कुसलं धम्मं पटिच्च चित्तानुपरिवत्ती कुसलो धम्मो उप्पज्जति हेतुपच्चया… तीणि.

नोचित्तानुपरिवत्तिं कुसलं धम्मं पटिच्च चित्तानुपरिवत्ती कुसलो धम्मो उप्पज्जति हेतुपच्चया. (१)

चित्तानुपरिवत्तिं कुसलञ्च नोचित्तानुपरिवत्तिं कुसलञ्च धम्मं पटिच्च चित्तानुपरिवत्ती कुसलो धम्मो उप्पज्जति हेतुपच्चया. (१) (संखित्तं.)

६०. हेतुया पञ्च, आरम्मणे पञ्च…पे… अविगते पञ्च (संखित्तं).

(सहजातवारम्पि…पे… पञ्हावारम्पि वित्थारेतब्बं.)

६१. चित्तानुपरिवत्तिं अकुसलं धम्मं पटिच्च चित्तानुपरिवत्ती अकुसलो धम्मो उप्पज्जति हेतुपच्चया… तीणि.

नोचित्तानुपरिवत्तिं अकुसलं धम्मं पटिच्च चित्तानुपरिवत्ती अकुसलो धम्मो उप्पज्जति हेतुपच्चया. (१)

चित्तानुपरिवत्तिं अकुसलञ्च नोचित्तानुपरिवत्तिं अकुसलञ्च धम्मं पटिच्च चित्तानुपरिवत्ती अकुसलो धम्मो उप्पज्जति हेतुपच्चया. (१) (संखित्तं.)

६२. हेतुया पञ्च, आरम्मणे पञ्च…पे… अविगते पञ्च (संखित्तं).

(सहजातवारम्पि…पे… पञ्हावारम्पि वित्थारेतब्बं.)

६३. चित्तानुपरिवत्तिं अब्याकतं धम्मं पटिच्च चित्तानुपरिवत्ती अब्याकतो धम्मो उप्पज्जति हेतुपच्चया (संखित्तं).

६४. हेतुया नव, आरम्मणे नव…पे… अविगते नव (संखित्तं. चेतसिकदुकसदिसं. सहजातवारम्पि…पे… पञ्हावारम्पि वित्थारेतब्बं.)