१-७. पटिच्चवारादि

पच्चयचतुक्कं

हेतुपच्चयो

५३. चित्तसहभुं कुसलं धम्मं पटिच्च चित्तसहभू कुसलो धम्मो उप्पज्जति हेतुपच्चया. चित्तसहभुं कुसलं धम्मं पटिच्च नोचित्तसहभू कुसलो धम्मो उप्पज्जति हेतुपच्चया. चित्तसहभुं कुसलं धम्मं पटिच्च चित्तसहभू कुसलो च नोचित्तसहभू कुसलो च धम्मा उप्पज्जन्ति हेतुपच्चया. (३)

नोचित्तसहभुं कुसलं धम्मं पटिच्च चित्तसहभू कुसलो धम्मो उप्पज्जति हेतुपच्चया. (१)

चित्तसहभुं कुसलञ्च नोचित्तसहभुं कुसलञ्च धम्मं पटिच्च चित्तसहभू कुसलो धम्मो उप्पज्जति हेतुपच्चया. (१) (संखित्तं.)

५४. हेतुया पञ्च, आरम्मणे पञ्च…पे… अविगते पञ्च (संखित्तं). (सहजातवारम्पि…पे… पञ्हावारम्पि वित्थारेतब्बं).

५५. चित्तसहभुं अकुसलं धम्मं पटिच्च चित्तसहभू अकुसलो धम्मो उप्पज्जति हेतुपच्चया… तीणि.

नोचित्तसहभुं अकुसलं धम्मं पटिच्च चित्तसहभू अकुसलो धम्मो उप्पज्जति हेतुपच्चया. (१)

चित्तसहभुं अकुसलञ्च नोचित्तसहभुं अकुसलञ्च धम्मं पटिच्च चित्तसहभू अकुसलो धम्मो उप्पज्जति हेतुपच्चया. (१) (संखित्तं.)

५६. हेतुया पञ्च, आरम्मणे पञ्च…पे… अविगते पञ्च (संखित्तं).

(सहजातवारम्पि…पे… पञ्हावारम्पि वित्थारेतब्बं.)

५७. चित्तसहभुं अब्याकतं धम्मं पटिच्च चित्तसहभू अब्याकतो धम्मो उप्पज्जति हेतुपच्चया… तीणि.

नोचित्तसहभुं अब्याकतं धम्मं पटिच्च नोचित्तसहभू अब्याकतो धम्मो उप्पज्जति हेतुपच्चया… तीणि.

चित्तसहभुं अब्याकतञ्च नोचित्तसहभुं अब्याकतञ्च धम्मं पटिच्च चित्तसहभू अब्याकतो धम्मो उप्पज्जति हेतुपच्चया… तीणि (संखित्तं).

५८. हेतुया नव, आरम्मणे नव…पे… अविगते नव. (संखित्तं. यथा चेतसिकदुकमूला तीणि गमना, एवं इमेपि तीणि गमना कातब्बा. सहजातवारम्पि…पे… पञ्हावारम्पि वित्थारेतब्बं.)