१-७. पटिच्चवारादि

पच्चयचतुक्कं

हेतुपच्चयो

४३. चित्तसमुट्ठानं कुसलं धम्मं पटिच्च चित्तसमुट्ठानो कुसलो धम्मो उप्पज्जति हेतुपच्चया. चित्तसमुट्ठानं कुसलं धम्मं पटिच्च नोचित्तसमुट्ठानो कुसलो धम्मो उप्पज्जति हेतुपच्चया. चित्तसमुट्ठानं कुसलं धम्मं पटिच्च चित्तसमुट्ठानो कुसलो च नोचित्तसमुट्ठानो कुसलो च धम्मा उप्पज्जन्ति हेतुपच्चया. (३)

नोचित्तसमुट्ठानं कुसलं धम्मं पटिच्च चित्तसमुट्ठानो कुसलो धम्मो उप्पज्जति हेतुपच्चया. (१)

चित्तसमुट्ठानं कुसलञ्च नोचित्तसमुट्ठानं कुसलञ्च धम्मं पटिच्च चित्तसमुट्ठानो कुसलो धम्मो उप्पज्जति हेतुपच्चया. (१) (संखित्तं.)

४४. हेतुया पञ्च, आरम्मणे पञ्च (सब्बत्थ पञ्च), अविगते पञ्च (संखित्तं).

नअधिपतिया पञ्च, नपुरेजाते पञ्च…पे… नकम्मे तीणि, नविपाके पञ्च…पे… नविप्पयुत्ते पञ्च (संखित्तं, सहजातवारादि वित्थारेतब्बो).

४५. चित्तसमुट्ठानो कुसलो धम्मो चित्तसमुट्ठानस्स कुसलस्स धम्मस्स हेतुपच्चयेन पच्चयो (संखित्तं).

४६. हेतुया तीणि, आरम्मणे नव, अधिपतिया नव, अनन्तरे नव, समनन्तरे नव, सहजाते पञ्च…पे… उपनिस्सये नव, आसेवने नव, कम्मे तीणि, आहारे पञ्च, इन्द्रिये पञ्च, झाने तीणि, मग्गे तीणि, सम्पयुत्ते पञ्च, अत्थिया पञ्च…पे… अविगते पञ्च (संखित्तं).

४७. चित्तसमुट्ठानं अकुसलं धम्मं पटिच्च चित्तसमुट्ठानो अकुसलो धम्मो उप्पज्जति हेतुपच्चया… तीणि.

नोचित्तसमुट्ठानं अकुसलं धम्मं पटिच्च चित्तसमुट्ठानो अकुसलो धम्मो उप्पज्जति हेतुपच्चया. (१)

चित्तसमुट्ठानं अकुसलञ्च नोचित्तसमुट्ठानं अकुसलञ्च धम्मं पटिच्च चित्तसमुट्ठानो अकुसलो धम्मो उप्पज्जति हेतुपच्चया. (१) (संखित्तं).

४८. हेतुया पञ्च, आरम्मणे पञ्च…पे… अविगते पञ्च (संखित्तं).

(कुसलत्तिकसदिसं सहजातवारम्पि …पे… पञ्हावारम्पि वित्थारेतब्बं.)

४९. चित्तसमुट्ठानं अब्याकतं धम्मं पटिच्च चित्तसमुट्ठानो अब्याकतो धम्मो उप्पज्जति हेतुपच्चया… तीणि.

नोचित्तसमुट्ठानं अब्याकतं धम्मं पटिच्च नोचित्तसमुट्ठानो अब्याकतो धम्मो उप्पज्जति हेतुपच्चया… तीणि.

चित्तसमुट्ठानं अब्याकतञ्च नोचित्तसमुट्ठानं अब्याकतञ्च धम्मं पटिच्च चित्तसमुट्ठानो अब्याकतो धम्मो उप्पज्जति हेतुपच्चया… तीणि (संखित्तं).

५०. हेतुया नव, आरम्मणे नव, अधिपतिया पञ्च (सब्बत्थ नव), पुरेजाते पञ्च, आसेवने पञ्च…पे… अविगते नव (संखित्तं).

नहेतुया नव, नआरम्मणे छ, नअधिपतिया नव…पे… नकम्मे तीणि, नविपाके छ, नआहारे एकं, नइन्द्रिये एकं, नझाने छ, नमग्गे नव, नसम्पयुत्ते छ, नविप्पयुत्ते छ, नोनत्थिया छ, नोविगते छ (संखित्तं).

(सहजातवारम्पि…पे… सम्पयुत्तवारम्पि वित्थारेतब्बं.)

५१. चित्तसमुट्ठानो अब्याकतो धम्मो चित्तसमुट्ठानस्स अब्याकतस्स धम्मस्स हेतुपच्चयेन पच्चयो… तीणि.

चित्तसमुट्ठानो अब्याकतो धम्मो चित्तसमुट्ठानस्स अब्याकतस्स धम्मस्स आरम्मणपच्चयेन पच्चयो (संखित्तं).

५२. हेतुया तीणि, आरम्मणे नव, अधिपतिया नव, अनन्तरे नव (सब्बत्थ नव), पुरेजाते नव, पच्छाजाते नव, आसेवने नव, कम्मे तीणि, विपाके नव, आहारे नव (चित्तसमुट्ठानमूलं नोचित्तसमुट्ठानस्स कबळीकारो आहारो कातब्बो. नोचित्तसमुट्ठानो चित्तसमुट्ठानस्स कबळीकारो आहारो घटने मज्झे कबळीकारो आहारो), इन्द्रिये नव (रूपजीवितिन्द्रियं एकं), झाने तीणि, मग्गे तीणि, सम्पयुत्ते पञ्च, विप्पयुत्ते नव, अत्थिया नव, नत्थिया नव, विगते नव, अविगते नव (संखित्तं).

(यथा कुसलत्तिके पञ्हावारस्स अनुलोमम्पि पच्चनीयम्पि अनुलोमपच्चनीयम्पि पच्चनीयानुलोमम्पि गणितं, एवं गणेतब्बं.)