१-७. पटिच्चवारादि

पच्चयचतुक्कं

हेतुपच्चयो

१. सारम्मणं कुसलं धम्मं पटिच्च सारम्मणो कुसलो धम्मो उप्पज्जति हेतुपच्चया (यथा सप्पच्चयं कुसलं, एवं वित्थारेतब्बं.)

२. सारम्मणं अकुसलं धम्मं पटिच्च सारम्मणो अकुसलो धम्मो उप्पज्जति हेतुपच्चया (यथा सप्पच्चयं अकुसलं, एवं कातब्बं.)

३. सारम्मणं अब्याकतं धम्मं पटिच्च सारम्मणो अब्याकतो धम्मो उप्पज्जति हेतुपच्चया… तीणि.

अनारम्मणं अब्याकतं धम्मं पटिच्च अनारम्मणो अब्याकतो धम्मो उप्पज्जति हेतुपच्चया… तीणि.

सारम्मणं अब्याकतञ्च अनारम्मणं अब्याकतञ्च धम्मं पटिच्च सारम्मणो अब्याकतो धम्मो उप्पज्जति हेतुपच्चया… तीणि (संखित्तं).

४. हेतुया नव, आरम्मणे तीणि, अधिपतिया पञ्च…पे… अञ्ञमञ्ञे छ…पे… पुरेजाते एकं, आसेवने एकं (संखित्तं).

नहेतुया नव, नआरम्मणे तीणि, नअधिपतिया नव…पे… नकम्मे द्वे, नविपाके पञ्च, नआहारे एकं, नइन्द्रिये एकं, नझाने द्वे, नमग्गे नव, नसम्पयुत्ते तीणि, नविप्पयुत्ते द्वे, नोनत्थिया तीणि, नोविगते तीणि (संखित्तं).

हेतु-आरम्मण-अधिपतिपच्चया

५. सारम्मणो अब्याकतो धम्मो सारम्मणस्स अब्याकतस्स धम्मस्स हेतुपच्चयेन पच्चयो… तीणि.

६. सारम्मणो अब्याकतो धम्मो सारम्मणस्स अब्याकतस्स धम्मस्स आरम्मणपच्चयेन पच्चयो. (१)

अनारम्मणो अब्याकतो धम्मो सारम्मणस्स अब्याकतस्स धम्मस्स आरम्मणपच्चयेन पच्चयो.

७. सारम्मणो अब्याकतो धम्मो सारम्मणस्स अब्याकतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति… तीणि. अनारम्मणो अब्याकतो धम्मो सारम्मणस्स अब्याकतस्स धम्मस्स अधिपतिपच्चयेन पच्चयो – आरम्मणाधिपति (संखित्तं).

८. हेतुया तीणि, आरम्मणे द्वे, अधिपतिया चत्तारि, अनन्तरे एकं…पे… सहजाते सत्त, अञ्ञमञ्ञे छ, निस्सये सत्त, उपनिस्सये द्वे, पुरेजाते एकं, पच्छाजाते एकं, आसेवने एकं, कम्मे तीणि, विपाके तीणि, सम्पयुत्ते एकं, विप्पयुत्ते द्वे (संखित्तं).