१. विभङ्गवारो

हेतुपच्चयो

१. अतीतारम्मणं धम्मं पटिच्च अतीतारम्मणो धम्मो उप्पज्जति हेतुपच्चया – अतीतारम्मणं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे अतीतारम्मणं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

२. अनागतारम्मणं धम्मं पटिच्च अनागतारम्मणो धम्मो उप्पज्जति हेतुपच्चया – अनागतारम्मणं एकं खन्धं पटिच्च तयो खन्धा…पे… द्वे खन्धा. (१)

३. पच्चुप्पन्नारम्मणं धम्मं पटिच्च पच्चुप्पन्नारम्मणो धम्मो उप्पज्जति हेतुपच्चया – पच्चुप्पन्नारम्मणं एकं खन्धं पटिच्च तयो खन्धा…पे… द्वे खन्धा. पटिसन्धिक्खणे पच्चुप्पन्नारम्मणं एकं खन्धं पटिच्च तयो खन्धा…पे… द्वे खन्धा. (१)

आरम्मणपच्चयादि

४. अतीतारम्मणं धम्मं पटिच्च अतीतारम्मणो धम्मो उप्पज्जति आरम्मणपच्चया… अधिपतिपच्चया (अधिपतिया पटिसन्धि नत्थि)… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया (पुरेजातेपि आसेवनेपि पटिसन्धि नत्थि)… कम्मपच्चया… विपाकपच्चया (विपाकं अतीतारम्मणं एकं खन्धं, तिस्सोपि पञ्हा परिपुण्णा. पवत्तिपटिसन्धि कातब्बा)… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया.