२. सङ्ख्यावारो

१७. हेतुया एकं, आरम्मणे तीणि, अधिपतिया तीणि, अनन्तरे एकं, समनन्तरे एकं, सहजाते अञ्ञमञ्ञे निस्सये एकं, उपनिस्सये तीणि, पुरेजाते पच्छाजाते आसेवने एकं, कम्मे द्वे, विपाके आहारे एकं…पे… अविगते एकं (एवं गणेतब्बं).

अनुलोमं.

पच्चनीयुद्धारो

१८. अतीतो धम्मो पच्चुप्पन्नस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

अनागतो धम्मो पच्चुप्पन्नस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (१)

पच्चुप्पन्नो धम्मो पच्चुप्पन्नस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)