१. पच्चयानुलोमं

२. सङ्ख्यावारो

८७. हेतुया सत्त, आरम्मणे सत्त, अधिपतिया सत्त, अनन्तरे नव, समनन्तरे नव, सहजाते एकादस, अञ्ञमञ्ञे सत्त, निस्सये तेरस, उपनिस्सये नव, पुरेजाते तीणि, पच्छाजाते तीणि, आसेवने चत्तारि, कम्मे सत्त, विपाके आहारे इन्द्रिये झाने मग्गे सत्त, सम्पयुत्ते तीणि, विप्पयुत्ते पञ्च, अत्थिया तेरस, नत्थिया नव, विगते नव, अविगते तेरस (एवं गणेतब्बं).

अनुलोमं.

पच्चनीयुद्धारो

८८. परित्तो धम्मो परित्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

परित्तो धम्मो महग्गतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (२)

परित्तो धम्मो अप्पमाणस्स धम्मस्स उपनिस्सयपच्चयेन पच्चयो… पुरेजातपच्चयेन पच्चयो. (३)

महग्गतो धम्मो महग्गतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

महग्गतो धम्मो परित्तस्स धम्मस्स आरम्मणपच्चयेन पच्चयो… सहजातपच्चयेन पच्चयो … उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो. (२)

महग्गतो धम्मो अप्पमाणस्स धम्मस्स उपनिस्सयपच्चयेन पच्चयो. (३)

महग्गतो धम्मो परित्तस्स च महग्गतस्स च धम्मस्स सहजातपच्चयेन पच्चयो… कम्मपच्चयेन पच्चयो. (४)

८९. अप्पमाणो धम्मो अप्पमाणस्स धम्मस्स सहजातपच्चयेन पच्चयो… उपनिस्सयपच्चयेन पच्चयो. (१)

अप्पमाणो धम्मो परित्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो. (२)

अप्पमाणो धम्मो महग्गतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (३)

अप्पमाणो धम्मो परित्तस्स च अप्पमाणस्स च धम्मस्स सहजातपच्चयेन पच्चयो. (४)

परित्तो च अप्पमाणो च धम्मा परित्तस्स धम्मस्स सहजातं, पच्छाजातं, आहारं, इन्द्रियं. (१)

परित्तो च अप्पमाणो च धम्मा अप्पमाणस्स धम्मस्स सहजातं, पुरेजातं. (२)

परित्तो च महग्गतो च धम्मा परित्तस्स धम्मस्स सहजातं, पच्छाजातं, आहारं, इन्द्रियं. (१)

परित्तो च महग्गतो च धम्मा महग्गतस्स धम्मस्स सहजातं, पुरेजातं. (२)