१. विभङ्गवारो

नहेतुपच्चयो

४५. परित्तं धम्मं संसट्ठो परित्तो धम्मो उप्पज्जति नहेतुपच्चया – अहेतुकं परित्तं एकं खन्धं संसट्ठा तयो खन्धा…पे… द्वे खन्धे…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो. (१)

नअधिपतिपच्चयो

४६. परित्तं धम्मं संसट्ठो परित्तो धम्मो उप्पज्जति नअधिपतिपच्चया – परित्तं एकं खन्धं संसट्ठा तयो खन्धा…पे… द्वे खन्धे…पे… पटिसन्धिक्खणे…पे…. (१)

महग्गतं धम्मं संसट्ठो महग्गतो धम्मो उप्पज्जति नअधिपतिपच्चया – महग्गते खन्धे संसट्ठा महग्गता अधिपति, विपाकं महग्गतं एकं खन्धं संसट्ठा…पे… पटिसन्धिक्खणे…पे…. (१)

अप्पमाणं धम्मं संसट्ठो अप्पमाणो धम्मो उप्पज्जति नअधिपतिपच्चया – अप्पमाणे खन्धे संसट्ठा अप्पमाणा अधिपति. (१)

नपुरेजातपच्चयो

४७. परित्तं धम्मं संसट्ठो परित्तो धम्मो उप्पज्जति नपुरेजातपच्चया – अरूपे परित्तं एकं खन्धं संसट्ठा तयो खन्धा…पे… पटिसन्धिक्खणे…पे…. (१)

महग्गतं धम्मं संसट्ठो महग्गतो धम्मो उप्पज्जति नपुरेजातपच्चया – अरूपे महग्गतं एकं खन्धं संसट्ठा तयो खन्धा…पे… पटिसन्धिक्खणे…पे…. (१)

अप्पमाणं धम्मं संसट्ठो अप्पमाणो धम्मो उप्पज्जति नपुरेजातपच्चया – अरूपे अप्पमाणं एकं खन्धं संसट्ठा तयो खन्धा…पे…. (१)

नपच्छाजात-नआसेवनपच्चया

४८. परित्तं धम्मं संसट्ठो परित्तो धम्मो उप्पज्जति नपच्छाजातपच्चया… नआसेवनपच्चया – परित्तं एकं खन्धं संसट्ठा तयो खन्धा…पे… पटिसन्धिक्खणे…पे…. (१)

महग्गतं धम्मं संसट्ठो महग्गतो धम्मो उप्पज्जति नआसेवनपच्चया – विपाकं महग्गतं एकं खन्धं संसट्ठा तयो खन्धा…पे… पटिसन्धिक्खणे…पे…. (१)

अप्पमाणं धम्मं संसट्ठो अप्पमाणो धम्मो उप्पज्जति नआसेवनपच्चया – विपाकं अप्पमाणं एकं खन्धं संसट्ठा तयो खन्धा…पे…. (१)

नकम्मपच्चयो

४९. परित्तं धम्मं संसट्ठो परित्तो धम्मो उप्पज्जति नकम्मपच्चया – परित्ते खन्धे संसट्ठा परित्ता चेतना. (१)

महग्गतं धम्मं संसट्ठो महग्गतो धम्मो उप्पज्जति नकम्मपच्चया – महग्गते खन्धे संसट्ठा महग्गता चेतना. (१)

अप्पमाणं धम्मं संसट्ठो अप्पमाणो धम्मो उप्पज्जति नकम्मपच्चया – कुसले अप्पमाणे खन्धे संसट्ठा अप्पमाणा चेतना. (१)

नविपाकपच्चयो

५०. परित्तं धम्मं संसट्ठो परित्तो धम्मो उप्पज्जति नविपाकपच्चया – परित्तं एकं खन्धं संसट्ठा तयो खन्धा…पे…. (१)

महग्गतं धम्मं संसट्ठो महग्गतो धम्मो उप्पज्जति नविपाकपच्चया – महग्गतं एकं खन्धं संसट्ठा तयो खन्धा…पे…. (१)

अप्पमाणं धम्मं संसट्ठो अप्पमाणो धम्मो उप्पज्जति नविपाकपच्चया – कुसलं अप्पमाणं एकं खन्धं संसट्ठा तयो खन्धा…पे…. (१)

नझानपच्चयादि

५१. परित्तं धम्मं संसट्ठो परित्तो धम्मो उप्पज्जति नझानपच्चया… नमग्गपच्चया… नविप्पयुत्तपच्चया – अरूपे परित्तं एकं खन्धं संसट्ठा तयो खन्धा…पे…. (१)

महग्गतं धम्मं संसट्ठो महग्गतो धम्मो उप्पज्जति नविप्पयुत्तपच्चया – अरूपे महग्गतं एकं खन्धं संसट्ठा तयो खन्धा…पे…. (१)

अप्पमाणं धम्मं संसट्ठो अप्पमाणो धम्मो उप्पज्जति नविप्पयुत्तपच्चया – अरूपे अप्पमाणं एकं खन्धं संसट्ठा तयो खन्धा…पे…. (१)

२. पच्चयपच्चनीयं

२. सङ्ख्यावारो

५२. नहेतुया एकं, नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने एकं, नमग्गे एकं, नविप्पयुत्ते तीणि (एवं गणेतब्बं).

पच्चनीयं.

३. पच्चयानुलोमपच्चनीयं

५३. हेतुपच्चया नअधिपतिया तीणि, नपुरेजाते नपच्छाजाते नआसेवने नकम्मे नविपाके नविप्पयुत्ते तीणि (एवं गणतब्बं).

अनुलोमपच्चनीयं.

४. पच्चयपच्चनीयानुलोमं

५४. नहेतुपच्चया आरम्मणे एकं, अनन्तरे एकं…पे… अविगते एक (एवं गणेतब्बं).

पच्चनीयानुलोमं.

संसट्ठवारो.