१. विभङ्गवारो

हेतुपच्चयो

४२. परित्तं धम्मं संसट्ठो परित्तो धम्मो उप्पज्जति हेतुपच्चया – परित्तं एकं खन्धं संसट्ठा तयो खन्धा…पे… द्वे खन्धे…पे… पटिसन्धिक्खणे…पे…. (१)

महग्गतं धम्मं संसट्ठो महग्गतो धम्मो उप्पज्जति हेतुपच्चया – महग्गतं एकं खन्धं संसट्ठा तयो खन्धा…पे… द्वे खन्धे…पे… पटिसन्धिक्खणे…पे…. (१)

अप्पमाणं धम्मं संसट्ठो अप्पमाणो धम्मो उप्पज्जति हेतुपच्चया – अप्पमाणं एकं खन्धं संसट्ठा तयो खन्धा…पे… द्वे खन्धे…पे…. (१)

आरम्मणपच्चयादि

४३. परित्तं धम्मं संसट्ठो परित्तो धम्मो उप्पज्जति आरम्मणपच्चया… अधिपतिपच्चया (पटिसन्धि नत्थि)… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया (पटिसन्धि नत्थि)… आसेवनपच्चया(विपाकोपि पटिसन्धिपि नत्थि)… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया.