१. विभङ्गवारो

नहेतुपच्चयो

४०. आचयगामिं धम्मं संसट्ठो आचयगामी धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो. (१)

नेवाचयगामिनापचयगामिं धम्मं संसट्ठो नेवाचयगामिनापचयगामी धम्मो उप्पज्जति नहेतुपच्चया – अहेतुकं नेवाचयगामिनापचयगामिं एकं खन्धं संसट्ठा तयो खन्धा…पे… द्वे खन्धे…पे… अहेतुकपटिसन्धिक्खणे…पे…. (१)

नअधिपतिपच्चयादि

४१. आचयगामिं धम्मं संसट्ठो आचयगामी धम्मो उप्पज्जति नअधिपतिपच्चया… नपुरेजातपच्चया… नपच्छाजातपच्चया… नआसेवनपच्चया… आचयगामिं एकं खन्धं संसट्ठा तयो खन्धा…पे… द्वे खन्धे…पे….

नेवाचयगामिनापचयगामिं धम्मं संसट्ठो नेवाचयगामिनापचयगामी धम्मो उप्पज्जति नआसेवनपच्चया – नेवाचयगामिनापचयगामिं एकं खन्धं संसट्ठा…पे… पटिसन्धिक्खणे…पे… नकम्मपच्चया… नविपाकपच्चया… नझानपच्चया… नमग्गपच्चया… नविप्पयुत्तपच्चया.