१. लसुणवग्ग, १०. दसम सिक्खापुच्छा

पुच्छा – नच्चं वा आवुसो गीतं वा वादितं वा दस्सनाय गच्छन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो नच्चम्पि गीतम्पि वादितम्पि दस्सनाय अगमंसु, तस्मिं भन्ते वत्थुस्मिं पञ्ञत्तं.

पुच्छा – भिक्खुपन आवुसो नच्चं वा गीतं वा वादितं वा दस्सनाय गच्छन्तो कं नाम आपत्तिं आपज्जति.

विस्सज्जना – दुक्कटं भन्ते आपत्तिं आपज्जति.