५. चित्तागारवग्ग, ९-१०. नवम, दसम सिक्खापुच्छा

पुच्छा – तिरच्छानविज्जं आवुसो परियापुणन्तिया च वाचेन्तिया च पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो तिरच्छानविज्जं परियापुणिंसुचेव वाचेसुञ्च, तस्मिं भन्ते वत्थुस्मिं पञ्ञत्तं.

पुच्छा – भिक्खु पन आवुसो तादिसं तिरच्छानविज्जं परियापुणन्तो च वाचेन्तो च किं नाम आपत्तिं आपज्जति.

विस्सज्जना – दुक्कटं भन्ते आपत्तिं आपज्जति.