५. चित्तागारवग्ग, १. पठम सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन राजागारं वा चित्तागारं वा आरामं वा उय्यानं वा पोक्खरणिं वा दस्सनाय गच्छन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो राजागारम्पि चित्तागारम्पि दस्सनाय गच्छिंसु, तस्मिं भन्ते वत्थुस्मिं पञ्ञत्तं.