३. नग्गवग्ग, ३. ततिय सिक्खापुच्छा

पुच्छा – भिक्खुनिया आवुसो चीवरं विसिब्बेत्वा वा विसिब्बापेत्वा वा नेव सिब्बेन्तिया न सिब्बापनाय उस्सुक्कं करोन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी भिक्खुनिया चीवरं विसिब्बापेत्वा नेव सिब्बेसि न सिब्बापनाय उस्सुक्कं अकासि, तस्मिं भन्ते वत्थुस्मिं पञ्ञत्तं.