२. कोसियवग्ग ५. निसीदनसन्थत सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन अनादियित्वा पुराणसन्थतस्स सामन्ता सुगतविदत्तिं नवं निसीदनसन्थतं कारापेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू सन्थतानि उज्झित्वा आरञ्ञिकं पिण्डपातिकङ्गं पंसुकूलकङ्गं समादियिंसु, तस्मिं भन्ते वत्थुस्मिं पञ्ञत्तं.