८. सहधम्मिकवग्ग, ९. कम्मपटिबाहन सिक्खापुच्छा

पुच्छा – धम्मिकानं आवुसो कम्मानं छन्दं दत्वा पच्छा खीयनधम्मं आपज्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू धम्मिकानं कम्मानं छन्दं दत्वा पच्छा खीयनधम्मं आपज्जिंसु, तस्मिं भन्ते वत्थुस्मिं पञ्ञत्तं.