८. सहधम्मिकवग्ग, १. सहधम्मिक सिक्खापुच्छा

पुच्छा – भिक्खूहि आवुसो सहधम्मिकं वुच्चमानेन न तावाहं आवुसो एतस्मिं सिक्खापदे सिक्खिस्सामि, याव न अञ्ञं भिक्खुं ब्यत्तं विनयधरं परिपुच्छिस्सामीति भणन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं भन्ते आयस्मन्तं छन्नं आरब्भ पञ्ञत्तं, आयस्मा भन्ते छन्नो भिक्खूहि सहधम्मिकं वुच्चमानो न तावाहं आवुसो एतस्मिं सिक्खापदे सिक्खिस्सामि, याव न अञ्ञं भिक्खुं ब्यत्तं विनयधरं परिपुच्छिस्सामीति भणि, तस्मिं भन्ते वत्थुस्मिं पञ्ञत्तं.