५. अचेलकवग्ग ८-९-१०. उय्युत्तसेना चसो सिक्खापुच्छा

पुच्छा – उय्युत्तं आवुसो सेनं दस्सनाय गच्छन्तस्स च अतिरेकतिरत्तं सेनाय वसन्तस्स च उय्योधिकं गच्छन्तस्स च पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू उय्युत्तं सेनं दस्सनाय अगमंसु, तेयेव भन्ते छब्बग्गिया भिक्खू अतिरेकतिरत्तं सेनाय वसिंसु, तेयेव भन्ते छब्बग्गिया भिक्खू उय्योधिकं अगमंसु, तस्मिं भन्ते वत्थुस्मिं पञ्ञत्तं.