२. भूतगामवग्गो, १. भूतगाम सिक्खापुच्छा

पुच्छा – भूतगामपातब्यताय पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं भन्ते आळविके भिक्खू आरब्भ पञ्ञत्तं, आळविका भन्ते भिक्खू रुक्खं छिन्दिं सु, तस्मिं भन्ते वत्थुस्मिं पञ्ञत्तं.

२. भूतगामवग्ग, २. अञ्ञवादक सिक्खापुच्छा

पुच्छा – अञ्ञवादके विहेसके पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं भन्ते आयस्मन्तं छन्नं आरब्भ पञ्ञत्तं, आयस्मा भन्ते छन्नो सङ्घमज्झे आपत्तिया अनुयुञ्जीयमानो अञ्ञेनञ्ञं पटिचरि, तस्मिं भन्ते वत्थुस्मिं पञ्ञत्तं.