१. मुसावादवग्गो, ८. भूतारोचन सिक्खापुच्छा

पुच्छा – अनुपसम्पन्नस्स आवुसो उत्तरिमनुस्सधम्मं भूतं आरोचेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते वग्गुमुदातीरिये भिक्खू आरब्भ पञ्ञत्तं, वग्गुमुदातीरिया भन्ते भिक्खू गिहीनं अञ्ञमञ्ञस्स उत्तरिमनुस्सधम्मस्स वण्णं भासिंसु, तस्मिं भन्ते वत्थुस्मिं पञ्ञत्तं.