३. पत्तवग्गो, ८. अच्चेकचीवर सिक्खापुच्छा

पुच्छा – अच्चेक चीवरं आवुसो पटिग्गहेत्वा चीवरकालसमयं अतिक्कामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू अच्चेकचीवरं पटिग्गहेत्वा चीवरकालसमयं अतिक्कामेसुं, तस्मिं भन्ते वत्थुस्मिं पञ्ञत्तं.