३. पत्तवग्ग ५. चीवरअच्छिन्दन सिक्खापुच्छा

पुच्छा – भिक्खुस्स आवुसो सामं चीवरं दत्वा कुपितेन अनत्तमनेन अच्छिन्दन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो भिक्खुस्स सामं चीवरं दत्वा कुपितो अनत्तमनो अच्छिन्दि, तस्मिं भन्ते वत्थुस्मिं पञ्ञत्तं.