७. विहारकार सङ्घादिसेस सिक्खापुच्छा

पुच्छा – यं तेन आवुसो…पे… सम्मासम्बुद्धेन महल्लकं विहारं कारापेन्तस्स सङ्घादिसेसो कत्थ पञ्ञत्तो.

विस्सज्जना – कोसम्बियं भन्ते.

पुच्छा – कं आवुसो आरब्भ पञ्ञत्तो.

विस्सज्जना – आयस्मन्तं भन्ते छन्नत्थेरं आरब्भ पञ्ञत्तो.

पुच्छा – किस्मिं आवुसो वत्थुस्मिं पञ्ञत्तो.

विस्सज्जना – आयस्मा भन्ते छन्नो विहारवत्थुं सोधेन्तो अञ्ञतरं चेतियरुक्खं छेदापेसि गामपूजितं निगमपूजितं नगर पूजितं जनपदपूजितं रट्ठपूजितं, तस्मिं भन्ते वत्थुस्मिं पञ्ञत्तो.