१२. दुब्बच, सङ्घादिसेस सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन दुब्बचस्स भिक्खुनो यावततियं समनुभासनाय अप्पटिनिस्सज्जन्तस्स सङ्घादिसेसो कत्थ पञ्ञत्तो.

विस्सज्जना – कोसम्बियं भन्ते पञ्ञत्तो.

पुच्छा – कं आवुसो आरब्भ किस्मिं वत्थुस्मिं पञ्ञत्तो.

विस्सज्जना – आयस्मन्तं भन्ते छन्नं आरब्भ पञ्ञत्तो, आयस्मा भन्ते छन्नो भिक्खूहि सहधम्मिकं वुच्चमानो अत्तानं अवचनीयं अकासि, तस्मिं भन्ते वत्थुस्मिं पञ्ञत्तो.