१५०. भिदादितो नो क्त+क्तवन्तूनं

भिदादीहि परेसं क्त+क्तवन्तूनं तस्स नो होति. आकतिगणो+यं. ‘‘क्तो भावकम्मेसू’’ति कम्मे उपरि सब्बत्थ क्तो. भिज्जित्थोति भिन्नो, तस्स ने पररूपं. अभिन्दीति भिन्नवा, ‘‘कत्तरि भूते’’ च्चादिना क्तवन्तु. एव+मुपरिपि. छिज्जित्थाति छिन्नो. अछिन्दीति छिन्नवा. छद=अपवारणे, छादीयित्थाति छन्नो. अछादयीति छन्नवा, चुरादित्ता णि, तस्स ‘‘णिणापीनं तेसू’’ति एत्थ ‘‘णि’’ इति योगविभागा लोपो. खिद=असहने, खिज्जीति खिन्नो खिन्नवा, कत्तरि. एव+मुपरिपि. उप्पज्जीति उप्पन्नो उप्पन्नवा. सिद=पाके, असिज्जीति सिन्नो सिन्नवा. सद=विसरणगत्य वसादनादानेसु, सिदीति सन्नो सन्नवा. पीनीति पीनो पीनवा. सू=पसवे, सूनीति सूनो. पसवीति सूनवा. दी=खये, दीयीति दीनो दीनवा. डी+ली=आकासगमने, डीयीति डीनो डीनवा. लीयि लेयि अलीयीति लीनो लीनवा. अलुयीति लूनो लूनवा.