५९. गमनत्था+कम्मका+धारे च

गमनत्थतो अकम्मकतो च क्रियत्था आधारे क्तो होति कत्तरि च यथापत्तञ्च. या=पापुणने, यातवन्तो अस्मिन्ति यातं ठानं. यातवन्तो याता, यानं यातं. एत्थ सन्तम्पि कम्मं अनिच्छितं. यायिताति यातो पथो. ‘‘ये गत्यत्था, ते बुद्ध्यत्था. ये बुद्ध्यत्था, ते गत्यत्था’’ति वुत्तत्ता तथलक्खणं याथावतो आगतो अभिसम्बुद्धोति तथागतो इतिपि होति. आसितवन्तो अस्मिन्ति आसितं. आसितवन्तो आसिता. आसन+मासितं.